Google Third-Party Cookies გამოყენებას წყვეტს - რა იქნება მარკეტერების მთავარი იარაღი?

ციფრულ სამყაროში ცვლილებები არამხოლოდ გარდაუვალი, არამედ აუცილებელიცაა. სწორედ ამ ცვლილებებთან კომპანიების დროული ადაპტაცია აჩვენებს, თუ რამდენად დარჩება ბრენდი ბაზარზე და შეძლებს ცვლილებებისთვის ფეხის აწყობას.

Google-მა დააანონსა, რომ ნელ-ნელა საბოლოოდ შეწყვეტს third-party cookies-ს გამოყენებას- cookies მცირე ზომის ფაილებია, რომლებიც ვებ-საიტზე მესამე პირმა განათავსა. იგი არ არის საიტის მფლობელი, აგროვებს მომხმარებელთა შესახებ ინფორმაციას, შემდეგ კი მარკეტინგული მიზნებისთვის იყენებს. Cookies გაუქმებამ გამოიწვია ის, რომ  მარკეტერები დაკარგავენ წვდომას მნიშვნელოვან ინფორმაციაზე სამიზნე აუდიტორიის შესახებ და მოუწევთ მეტი ყურადღება გაამახვილოთ მომხმარებლებისთვის მიწოდებულ კონტენტზე.

მარკეტერები უკვე ცდილობენ ახალი ინსტრუმენტები გამოიყენონ იმისთვის, რომ მომხმარებლისგან მეტი ყურადღება მიიქციონ. ისინი აღნიშნავენ, რომ კომპანიები მარტივი და კონკრეტული იყვნენ თავიანთი მიზნის განსაზღვრისას, და ასევე, საჭიროა შეიმუშავონ გრძელვადიანი მარკეტინგული გეგმა, რითაც შეძლებენ  არსებული კონტენტის მაქსიმალურად ოპტიმიზაციას. თუ ჯერ კიდევ არ გინახავთ ჩვენი კონტენტ მენეჯმენტის პროგრამა, გაეცანით აქ.

უამრავი რეკლამის დამკვეთისთვის third-party cookies გაქრობა უკავშირდება იმას, რომ უფრო დიდი ყურადღება უნდა გაამახვილონ first-party cookies-ზე. მოსალოდნელია, რომ ბრენდები მეტად ორიენტირებულნი იქნებიან სხვადასხვა პარტნიორთან მჭიდრო ურთიერთობის დამყარებაზე. იმის ნაცვლად, რომ კომპანიები დამოკიდებული იყვნენ ციფრულ გიგანტებზე, Apple, Microsoft ან Google-ზე,  აუცილებელია, რომ მათ მოძებნონ სხვა ალტერნატიული პლატფორმები და საშუალებები, მისთვის, რომ მოიზიდონ მომხმარებლები.

მარკეტერები ასევე, უფრო მეტად ინტერესდებიან იმით, თუ რა კონტენტს აქვეყნებენ. ისინი ცდილობენ თავიდან აიცილონ სიძულვილის გამავრცელებელი ტექსტების გამოყენება და  მაქსიმალურად დაიცვან უმცირესობათა (მათ შორის LGBTQ+ ჯგუფის) უფლებები. აღსანიშნავია ისიც, რომ ძლიერი ბრენდები ნელ-ნელა მეტ წარმატებას აღწევენ “walled garden”-ის გამოყენებით, სადაც აკონტროლებენ იმას, თუ რა სერვისებსა და პროდუქტებზე შეუძლია მომხმარებელს ჰქონდეს წვდომა.

რეკლამების გაკონტროლების საჭიროების ერთ-ერთ კარგი მაგალითი facebook-ში წამოწყებული ტრენდია  ჰეშთეგით #StopHateforProfit, რომელიც მარკეტერებს მოუწოდებდა მკაცრად გაეკონტროლებინათ სიძულვილის შემცველი კონტენტის გავრცელება. პროტესტის ლიდერების აზრით, რეკლამები არ უნდა ემსახურებოდეს სიძულვილის პოპულარიზაციას და მოგების სურვილმა ადამიანური ღირებულებები არ უნდა გადაწონოს.

ახალი მოსალოდნელი ცვლილებები მარკეტერებს მოუწოდებს იმისკენ, რომ არ იყვნენ ორიენტირებულნი მხოლოდ cookies-ზე და მაქსიმალურად შეეცადნონ იპოვონ და დააინტერესონ რეალური მომხმარებელი. ციფრული სამყარო კომპანიებს ახალ გამოწვევებს უწყობს, თუმცა ამ გამოწვევების სწორად გამოყენებამ შესაძლოა ბრენდებს მეტი შესაძლებლობა მისცეს განვითარდნენ და ბაზარზე მთავარი მოთამაშეები გახდნენ.

როგორც უკვე ავღნიშნეთ, მარკეტერები ცდილობენ ახალი ინსტრუმენტები გამოიყენონ იმისთვის, რომ მომხმარებლისგან მეტი ყურადღება მიიქციონ, კონტენტ მენეჯმნეტი კი ის იარაღია, რომელიც მათ ამ  პრობლემის მოგვარებაში ეხმარებათ.

ავტორი: ნინო კოპტონაშვილი