გზამკვლევი Facebook რეკლამირებაში

blog-detail-img

წარმოიდგინე სარეკლამო ინსტრუმენტი, რომელიც დაგეხმარება ხმა მიაწვდინო შენს იდეალურ კლიენტებს მათი ინტერესებისა და ქცევების მიხედვით. ინსტრუმენტი, რომელიც დაზოგავს შენს დროსა და ფულს შენი რეკლამის მიწოდების ოპტიმიზაციის გზით.

სწორედ ამას იღებ Facebook რეკლამირებით, პლატფორმით, რომელსაც იყენებს ბევრი ელექტრონული კომერციის მეწარმე და მარკეტერი, განსაკუთრებით ისინი, ვისაც არ აქვს დიდი სარეკლამო გამოცდილება ან დიდი სარეკლამო ბიუჯეტი. ყველას შეუძლია გააძლიეროს თავისი მცირე ბიზნესი Facebook-ზე რეკლამებით, თუ მათ ეცოდინებად რეკლამის დაგეგმვის, გაშვებისა და ოპტიმიზაციის საფუძვლები.

ამ ბლოგში, გიამბობ, თუ რატომაა Facebook ასეთი პოპულარული სარეკლამო პლატფორმა, და ეტაპობრივად გაგაცნობ, თუ როგორ უნდა შექმნა და მართო Facebook სარეკლამო კამპანია შენი ბიზნესისთვის.

ნაბიჯი 1: შექმენი Meta Business Suite (ყოფილი Facebook ბიზნეს მენეჯერი)

ბევრი ადამიანი, ვინც უარს ამბობს ფეისბუქის რეკლამის გამოყენებაზე, ამას იმიტომ აკეთებს, რომ არასწორად ქმნიან თავიანთ ანგარიშს ან იმდენად არიან დაბნეულები Facebook-ის სარეკლამო ვარიანტებით, რომ არასოდეს მიდიან კამპანიის რეალურად გაშვებამდე.

ასე რომ, სწორი სტარტისთვის ჯერ უნდა დარწმუნდე, რომ სწორად შექმენი Meta Business Suite ანგარიში. Meta Business Suite არის Facebook-ის განყოფილება, რომელშიც განთავსებულია შენი Facebook სარეკლამო ანგარიში, ბიზნეს გვერდები და სხვა ინსტრუმენტები, რომლებიც დაგჭირდება რეკლამის გასაშვებად.

ნაბიჯი 2: დააკავშირე Meta pixel

ერთ-ერთი ყველაზე გავრცელებული შეცდომა ფეისბუქის რეკლამირებისას არის იმის გაგება, რეალურად მუშაობდა თუ არა შენი რეკლამები. შესაძლებელია პოსტის გაძლიერება ან თუნდაც სარეკლამო კამპანიის დაყენება Ads Manager-ში, მაგრამ Meta pixel-ის ინსტალაციის გარეშე თქვენ ვერ გაიგებ, წარმატებით იმუშავა თუ არა რეკლამამ.

Meta pixel არის Facebook რეკლამებსა და შენი ვებსაიტის მაკავშირებელი. პიქსელი არის JavaScript კოდი, რომელიც შენი Meta Business Suite ანგარიშიდან უნდა ჩასვა შენს ვებსაიტზე, სანამ დაიწყებ რეკლამებისთვის გადახდას. 

ის გიჩვენებს ყველა მოქმედებას, რომელსაც Facebook რეკლამების საშუალებით ახორციელებენ შენს ვებსაიტზე შემოსული ვიზიტორები. არსებითად, მეტა პიქსელი მოიცავს არა მხოლოდ, შედეგობრიობასა და ეფექტურობას, არამედ გეუბნება რომელ კონკრეტულ აუდიტორიასა და კრეატიულ ნაწილებს წარმოადგენდა კონვერტაციები.

ციფრული რეკლამირების კურსი

14 ლექცია | 42 საათი | 7 კვირა
გაიგე მეტი

ნაბიჯი 3: შექმენი Facebook აუდიტორია

რეკლამებით სწორი ადამიანების მიზანში ამოღება არის Facebook-ის რეკლამის წარმატების ერთ-ერთი გასაღები. ფეისბუქს ჰყავს მილიარდობით მომხმარებელი მთელს მსოფლიოში, ასე რომ, შენი ბრენდით ან პროდუქტით დაინტერესებული ადამიანების პოვნა მოითხოვს Facebook-ის აუდიტორიის ფუნქციის გამოყენებას.

აუდიტორია არის განყოფილება Meta Business Suite-ში, სადაც შეგიძლია შექმნა იმ ადამიანების სიები, რომლებზეც გათვლილია შენი რეკლამები. აუდიტორიის განყოფილებაში რამდენიმე განსხვავებული ფუნქციაა ხელმისაწვდომი, რომლებიც დაგეხმარება ამ სიების განსაზღვრაში, მაგრამ ისინი შეიძლება დაიყოს ორ დიდ კატეგორიად: Retargeting (Remarketig) და ძიება.

თუ ოდესმე დაგითვალიერებია კომპანიის ვებსაიტი და შემდეგ ყოველ ჯერზე, როდესაც გახსნით Facebook-ს ან Instagram-ს, ამ კომპანიის რეკლამები გხვდება, ამას ჰქვია რემარკეტინგი (retargeting/remarketing) და არის Facebook რეკლამის ერთ-ერთი ყველაზე ეფექტური ფორმა. ხოლო ახალი კლიენტების ძებნას ხშირად მოიხსენიებენ, როგორც „ძიებას“ და გულისხმობს რეკლამას მათთვის, ვისაც არც უყიდია შენგან რაიმე და არც შენს ბიზნესთან ჰქონია რაიმე სახის შეხება. მცირე და საშუალო ბიზნესისთვის, ეს მოიცავს Facebook-ის მილიარდობით აქტიური მომხმარებლის უმრავლესობას და იმის გადაწყვეტა, თუ როგორ უნდა დაიწყოს ამ სიის შევიწროება, შეიძლება რთული იყოს.

ნაბიჯი 4: შექმენი Facebook სარეკლამო კამპანია

შენი პირველი კამპანიის შესაქმნელად, Meta Business Suite ანგარიშის რეკლამის განყოფილებაში უნდა შეხვიდო და აირჩიო და რეკლამის შექმნა. ამის შემდეგ მოგეთხოვება კამპანიის მიზნის (Objective) არჩევა. ფეისბუქის რეკლამებში მიზნების ექვსი კატეგორიაა:

Awareness: შენი ბიზნესისთვის ცნობადობის გასაზრდელად გამოიყენება, ამ ტიპის კამპანია დაგეხმარება, რომ შენი რეკლამა რაც შეიძლება მეტ ისეთ ადამიანს შეხვდეს, რომლებიც ყველაზე უფრო სავარაუდოა, რომ მას დაიმახსოვრებენ. 

  • Traffic: გამოიყენება ვებსაიტზე, Facebook და Instagram Shop-ებზე თუ App-ში ვიზიტორების რაოდენობის მოსამატებლად. 
  • Engagement: იპოვის ადამიანებს, რომლებიც მეტად სავარაუდოა, რომ შენს რეკლამასთან ინტერაქციაში შემოვლენ (დაალაიქებენ, დააკომენტარებენ, დაათვალიერებენ კოლაჟს ან ვებსაიტზე გადმოვლენ)
  • Leads: ლიდების (ინფორმაცია ადამიანების შესახებ, რომლებმაც ინტერესი გამოხატეს კამპანიის ან ბრენდის შესახებ) გენერირება შენი ბიზნესისთცის, იქნება ეს მესიჯების, სატელეფონო ზარების თუ რეგისტრაციების მეშვეობით
  • App Promotions: თუ გაქვს აპლიკაცია, რომელზეც გსურს, რომ მომხმარებლები გადმოვიდნენ ან მისი გადმოწერისა თუ სხვა სპეციფიკური ქმედებისკენ უბიძგო
  • Sales: აჩვენო რეკლამა ადამიანებს, რომლებიც მეტად სავარაუდოა, რომ შენი ბიზნესისგან შეიძენენ.

მნიშვნელოვანია Facebook-თან კომუნიკაცია, რა არის შენი მიზანი, რათა რეკლამა ოპტიმიზირებული იყოს ამ მიზნის მისაღწევად. თუ ირჩევ ტრეფიკს, მაგრამ რეალურად ეძებთ ვებსაიტების შესყიდვებს, გარანტირებული არ გექნება, რომ მიაღწევ შენს მიზანს, რადგან ის არ არის არჩეული შენი კამპანიის მიზნის დონეზე.

ნაბიჯი 5: აირჩიე შენი რეკლამის ვიზუალი, ტექსტი და განრიგი

რეკლამის შექმნისას მოგეცემა შესაძლებლობა აირჩიო Facebook ბიზნეს გვერდი და/ან ინსტაგრამის ექაუნთი. სხვადასხვა სოციალურ ქსელში შენი რეკლამის ჩვენება მოგცემს საშუალებას, რომ გაზარდო ბრენდის ცნობადობა და სოციალური მედიის მიმდევრები, თუნდაც ეს არ იყოს შენი კამპანიის საერთო მიზანი.

კრეატივის ( რეკლამის ვიზუალური მხარის) შედგენის შემდეგ, შესაძლებლობა გაქვს აირჩიო:

  1. რომელ აუდიტორიას გსურს მოერგო;
  2. ბიუჯეტი, რომლის დახარჯვისთვისაც მზად ხარ;
  3. შენი რეკლამის განთავსება Facebook-ის პროდუქტების ქსელში;

ბიუჯეტის არჩევისას, რამდენიმე ფაქტორია გასათვალისწინებელი:

  • რა თანხა გაქვს გათვლილი მარკეტინგისთვის: შეგიძლია დახარჯო მხოლოდ ის, რისი საშუალებაც გაქვს.
  • პროდუქტის ღირებულება: უფრო მაღალი ღირებულების პროდუქტი, როგორც წესი, მოითხოვს უფრო მაღალ სარეკლამო ბიუჯეტს.
  • მიზანი, რომლის ოპტიმიზაციასაც აკეთებ: გაყიდვებზე ორიენტირებული მიზნები, როგორიცაა შესყიდვები, ჩვეულებრივ უფრო ძვირია, ვიდრე ცნობიერებაზე ორიენტირებული მიზნები, როგორიცაა ჩართულობა და დაწკაპუნება.
  • შენი მომხმარებლების შენაძენის საშუალო ღირებულება;

და ბოლოს, სარეკლამო ნაკრები გაძლევს შესაძლებლობას აირჩიო სად გსურს შენი რეკლამა გამოჩნდეს. შეგიძლია აირჩიო Facebook, Instagram და Messenger რეკლამებს შორის.

ნაბიჯი 6: შენი Facebook კამპანიების ოპტიმიზაცია

ფეისბუქის რეკლამებს დრო სჭირდება ოპტიმიზაციისთვის, რათა ალგორითმმა გაიგოს, ვინ არის ყველაზე მეტად დაინტერესებული იმით, რასაც ყიდი. თუ არ ხარ დარწმუნებული, უნდა გამორთო თუ არა შენი რეკლამა, სცადე დაელოდო მანამ, სანამ ის მიიღებს მინიმუმ 1000 Impression-ს (რეკლამა რამდენჯერ ჩაიტვირთა, რეკლამის ნახვები), სანამ მეტ ინვესტიციას განახორციელებ ან გამორთავ მას რაიმე ახლის შესამოწმებლად.

ფეისბუქ რეკლამის სახეები

შენი წარმატება ფეისბუქის რეკლამაში დამოკიდებულია შენს მიზანსა და რეკლამის ტიპზე, რომელსაც იყენებ. თუმცა ეფექტური, მაღალი ხარისხის რეკლამის წარმოება წარმოადგენს გამოწვევას მრავალი დამწყებისთვის, რადგან არჩევანის ამდენი განსხვავებული ტიპი არსებობს.

  • ფოტოები – ეს რეკლამა საუკეთესოა მაშინ, როდესაც გსურს სწრაფად შექმნა რეკლამა ან არ გაქვს დიდი ბიუჯეტი. შენ შეგიძლია შექმნა გამოსახულების რეკლამა პირდაპირ შენი Facebook გვერდიდან, როგორც გაძლიერებული პოსტი, ან თუ გსურს უფრო დეტალური მიზნობრივი პარამეტრები, შეგიძლია გააკეთო ის Facebook Ads Manager-ში.
  • ვიდეო – ვიდეო რეკლამები საშუალებას გაძლევს აჩვენო შენი პროდუქტი ან ბრენდი და უფრო მიიპყრო მნახველების ყურადღება. ვიდეო რეკლამების შექმნა შეგიძლია Facebook Ads Manager-ში ან გაძლიერებული პოსტით. ეს რეკლამები გამოჩნდება Facebook-ზე, Instagram-სა და Messenger-ზე.
  • კარუსელი – კარუსელის რეკლამები საშუალებას გაძლევს ერთ რეკლამაში 10-მდე სურათი ან ვიდეო ჩართო, თითოეულს ექნება თავისი ბმული.
  • კოლექცია – კოლექციის რეკლამის ფორმატი მოიცავს სრულეკრანიან მყისიერ გამოცდილებას, რათა გაუადვილოს ხალხს პროდუქტების დათვალიერება და შეძენა. ეს რეკლამები მოიცავს ყდის სურათს ან ვიდეოს და შეიძლება აჩვენოს კიდეც რამდენიმე პროდუქტი ქვემოთ.

რჩევები Facebook რეკლამის გაშვებისთვის

  • დაათვალიერე Facebook Ad Library შთაგონებისთვის. არ იცით სად დაიწყო ვიზუალის ან ტექსტის შექმნა? გსურს ნახო რა რეკლამებს უშვებენ შენი კონკურენტები? მეტა რეკლამის ბიბლიოთეკა არის რეკლამების ყოვლისმომცველი კოლექცია, რომელიც ამჟამად გაშვებულია Facebook-ზე, Instagram-სა და Messenger-ზე. შენ შეგიძლია ბრენდის სახელით მოძებნო მიმდინარე რეკლამები, რომლებიც მათ აქვთ გაშვებული, შემდეგ გამოიყენო ეს ინფორმაცია საკუთარი რეკლამის შთაგონებისთვის.
  • იყავი ავთენტური. გაითვალისწინე შენი ბრენდის “ინტონაცია”. სასაცილო ხარ? მახვილგონივრული? კორპორატიული? რაც უფრო ავთენტურია შენი რეკლამები, მით უფრო დიდია ალბათობა იმისა, რომ ხალხი დაუკავშირდეს მათ და გაიგოს მეტი შენი ბრენდის, პროდუქტის ან სერვისის შესახებ.
  • აჩვენე ადამიანების სურათები, რომლებიც იყენებენ შენს პროდუქტს. თუ გსურს დააინტერესო საზოგადოება შენი რეკლამით, გამოიყენე კრეატივი, რომელიც აჩვენებს ხალხს, რომ სხვები სარგებლობენ შენი პროდუქტით.
  • ჯერ აირჩიე სარეკლამო მიზნები, რათა შემოქმედებითი აქტივები გააუმჯობესო. სანამ შექმნი პირველ კამპანიას, დაადგინე საზომი, რომელიც ყველაზე მნიშვნელოვანია შენი ბიზნესისთვის – იქნება ეს გაყიდვების გაზრდა თუ ბრენდის ცნობადობა. ძლიერი სარეკლამო კამპანიების შესაქმნელად, უნდა დარწმუნდე, რომ შენი კამპანიის ელემენტები – კრეატიულიდან დაწყებული აუდიტორიის მიზნობრიობით და შეთავაზების ტიპით დამთავრებული – უკავშირდება შენს მთავარ მიზანს.
  • გააერთიანე რეკლამის ტიპები უფრო ეფექტური რეკლამის შესაქმნელად. ვიდეოები შესანიშნავი იარღია შენი ბრენდის ისტორიის გადმოსაცემად, ხოლო სურათები დაგეხმარება წარმოაჩინო შენივე პროდუქტის სხვადასხვა უპირატესობები. გამოიყენე სხვადასხვა რეკლამის ფორმატების კომბინაცია, რათა შეამოწმო, რომელია ყველაზე მეტად რეზონანსული შენს აუდიტორიაზე, შემდეგ კი მეტი ფული ჩადე იმაში, რაც მუშაობს.
  • რეკლამის ჩვენება სხვადასხვა პლატფორმაზე. Facebook Ads Manager გაძლევს საშუალებას გაუშვა რეკლამები Facebook-ზე, Instagram-ზე – ნებისმიერი ბიუჯეტით. არ შემოიფარგლო მხოლოდ ერთი პლატფორმით. ისარგებლე Facebook-ის სარეკლამო ნაკრებებში არსებული ყველა  ფუნქციით, რათა შენი რეკლამები დინამიურად გამოჩნდეს იქ, სადაც შენი კლიენტები ყველაზე მეტად ატარებენ დროს.

ფეისბუქის სარეკლამო პლატფორმა შექმნილია იმისთვის, რომ იყოს მარტივი გამოსაყენებელი მათთვის, ვისაც ციფრული მარკეტინგის მცირე გამოცდილება აქვს, რაც კიდევ უფრო მიმზიდველს ხდის მეწარმეებისთვის, რომლებსაც არ სურთ ფული გადაუხადონ სააგენტოს რეკლამის გასაშვებად.

თუ დროს დაუთმობ Facebook-ის რეკლამის საფუძვლების შესწავლას, შენი ექაუნთის სწორად შექმნასა და კამპანიის დაწყებას, Facebook-ის რეკლამას შეუძლია გააგრძელოს შენი ბიზნესი.

თუ ეს ბლოგი შენთვის საინტერესო იყო და თავადაც გსურს, რომ სოციალურ მედიაში რეკლამის დაგეგმვა,გაშვება,ოპტიმიზაცია და რეპორტინგი შეგეძლოს, შემოგვიერთდი Digital Advertising-ის კურსზე!

 

გაეცანი Digital Advertising-ის კურსის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
დამწყები
950₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება